*****

يا وجوه

 عم ترجع تجي عالبال...

وكأنها راجعة...

وبتقدر ترجع

وجايي لعنا تا تصور

تنخبرهن شو صار بغيبتهن

 وشو ما صار...

 يا نسمة المحبة

 رجّعي الذكريات...

للي زرعت فينا حلم يكبر

 وما يتكبر

 وتوسع طرقاتنا

 تا نضوي القمر

 ونعبي سلة العمر

 ورد يتقطر

 وبسمات جوا ببيوت تتعمر

مغطاية بأمل متل الندي

 عالزرع فلاح يتسمر

بتحلى بكرم الحكايات

 والتوت والتينات...

وتقوّي قناديلها للعيون

 للصبح مهما تأخر...

في ناس بعدهون بيناتنا احباب

 وعم يجمعوا السلامات... 

 ويمكن اللي راحوا مشتاقين النا أكتر

عم يبعتوا لعنا مرسال وحنان

 منسوجة بالوفا 

وقصصنا تتعطر...

بعدون بالقلب لفتات...

او يمكن نخاف...

 نتركهن ونتغير...

 يا قب الياس

 بالحب تذكري...

شو حلو تتذكري...

طالما الصور...

 بعدها عم تتذكر...